Durante as festas de Nadal a Biblioteca Neira Vilas ofrece unha mostra na que atopar moitas ideas para decorar a túa casa, preparar novas receitas nas celebracións, facer agasallos ou gozar con diferentes historias para celebrar estas datas.

Do 22 de decembro ao 06 de xaneiro

Horario de apertura da biblioteca

Para: Público xeral, todas aquelas persoas que se acheguen á biblioteca.

O día 30 de xaneiro celébrase o aniversario da morte de Mahatma Gandhi polo que a biblioteca quere sumarse á celebración do Día Escolar da Non violencia e da Paz con esta mostra bibliográfica.

Estas obras están a disposición das persoas usuarias da biblioteca en consulta en sala e dispoñibles así mesmo para o servizo de préstamo.

Do 01 ao 31 de xaneiro

Horario de apertura da biblioteca

Para: Público xeral, todas aquelas persoas que se acheguen á biblioteca.

Mostra bibliográfica

Neste mes de xaneiro no que se celebra o aniversario do nacemento e morte de Castelao queremos recomendar a obra deste símbolo da cultura galega, un loitador no exilio, que reflectiu na súa obra literaria e pictórica o fondo compromiso que o unía á súa terra.

Estas obras están a disposición das persoas usuarias da biblioteca en consulta en sala e dispoñibles así mesmo para o servizo de préstamo.

Do 01 ao 31 de xaneiro

Horario de apertura da biblioteca

Para: Público xeral, todas aquelas persoas que se acheguen á biblioteca.

O Buzón Real estará na biblioteca para que todo o mundo poida deixar as súas peticións aos Reis Magos e contarlles como se portaron durante todo o ano.

Do 22 de decembro ao 06 de xaneiro

Horario de apertura da biblioteca

Para: Público xeral, todas aquelas persoas que se acheguen á biblioteca.

Actividade realizada por: Área de Festas e Turismo do Concello de Vigo

O Carteiro Real visita a biblioteca para recoller todas as cartas e desexos do público infantil.

Martes, 03 de xaneiro ás 17.00 h

Para: Público infantil.

Actividade realizada por: SNL do Concello de Vigo

O Nadal está cheo de contos, contos que viaxan nas nubes e no vento, e chegan a nós arrastrados polas chuvias, neves, poalla, e as fortes tormentas do inverno. Veñen de cidades descoñecidas, países remotos, illas case desertas... e enchen o Nadal de contos, e máis contos.

Martes, 03 de xaneiro ás 18.00 h

Para: público infantil dende 3 anos.

Aforo limitado

A hora dos contos é un proxecto de animación á lectura onde presentamos diferentes contos e unha serie de actividades ao redor dunha temática concreta, todo encamiñado a fomentar entre o público máis pequeno o gusto polos libros e a lectura.

Venres, 13 de xaneiro ás 18.00 h

Para: público infantil dende 3 anos.

Aforo limitado

O club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.

Xoves, 19 de xaneiro ás 19.00 h

Para: Público socio do club.

PREVIA INSCRICIÓN* 02 DE XANEIRO ÁS 17.00 H ABRE O PRAZO DE INSCRICIÓN

Un venres ao mes grazas a Bea e a Davide os bebés comparten coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.

Venres, 20 de xaneiro ás 18.00 h

Para: público infantil de 12 meses a 3 anos.

PREVIA INSCRICIÓN* 07 DE XANEIRO ÁS 10.30 H ABRE O PRAZO DE INSCRICIÓN

De xaneiro a marzo

Un dos propósitos dos diálogos é que cada un dos participantes comparta aquelas ideas ás que chegou a través do seu propio percorrido vital. Trataremos de xerar un diálogo enriquecedor no que todos podamos ser partícipes activos, achegando as nosas ideas, reflexións e experiencias. Trataremos así mesmo de xerar un espazo de escoita respectuosa no que teñan cabida visións distintas e modos diferentes de comprender a cuestión que nos reúne para facilitar que sexa un diálogo aberto do que todos podamos enriquecernos e pasalo ben.

Non é preciso ter coñecementos de filosofía para participar nestes encontros.

Mércores, 25 de xaneiro ás 19.00 h

Para: público adulto.

Contos Dakí é un ciclo no que nos visitan algúns dos contadores e contadoras de máis renome do panorama galego e internacional para deleitarnos cos seus contos rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todas aqueles persoas que teñan o pracer de escoitalas. Nesta ocasión visítanos a contadora Olga Abad.

Venres, 27 de xaneiro ás 19.30 h

Para: Público adulto.

Aforo limitado