PREVIA INSCRICIÓN*
ABERTO O PRAZO DE INSCRICIÓN

O primeiro sábado de cada mes, o Roque, un simpático personaxe veciño do Calvario e ó que lle encanta viaxar, visita a biblioteca xunto con Andrea e Óscar para compartir cos máis pequenos as súas aventuras: cada mes viaxa a unha cidade ou pobo de Galicia e volve para falarnos de todos eses marabillosos lugares, contarnos fantásticas historias, ensinarnos divertidas cancións e propoñernos estupendos xogos.

Sábado, 3 de novembro ás 12.00 h

Destinatarios: Nenos de 3 ata 10 anos.

“A hora dos contos” é un proxecto de animación á lectura onde cada segundo xoves de mes presentaremos diferentes contos e unha serie de actividades ao redor dunha temática concreta, todo encamiñado a fomentar entre os máis pequenos o gusto polos libros e a lectura.

Xoves, 8 de novembro ás 18.00 h

Destinatarios: Nenos de 3 ata 10 anos.

O club de lectura é un grupo de persoas afeccionadas á lectura que se reunirá dúas veces ao mes (1º e 3º mércores) na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. Non é preciso ser un experto lector para participar, o club está concibido para todas aquelas persoas con inquedanzas culturais, ganas de ler e de intercambiar ideas e opinións con outros lectores.

Mércores 7 e 21 de novembro ás 19.30 h

Destinatarios: Socios do club.

PREVIA INSCRICIÓN*
1 DE NOVEMBRO ÁBRESE O PRAZO DE INSCRICIÓN

Ante o éxito das pasadas edicións do curso “Achégate á Internet”, e a crecente demanda por parte dos usuarios solicitando información sobre a realización de novos cursos básicos de manexo da Internet, preséntase unha nova edición deste proxecto de alfabetización dixital, encadrado dentro das accións de formación de usuarios, unha das liñas estratéxicas de traballo da biblioteca pública, que ten como finalidade formar a usuarios autónomos na busca/asimilación de información. Dentro destes programas, o bo manexo das novas tecnoloxías é un requisito indispensable para acceder ás novas formas de información, formación e lecer.

Do luns 12 ao venres 16 de novembro

Horario: de 10.00 a 12.00 h: (Total 10 horas)

Destinatarios: Maiores de 16 anos con escasos ou ningún coñecemento de informática ou Internet.

PREVIA INSCRICIÓN*
1 DE NOVEMBRO ÁBRESE O PRAZO DE INSCRICIÓN

O terceiro sábado de cada mes os nenos compartirán con aqueles que os coidan un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.

Sábado, 17 de novembro ás 12.00 h

Destinatarios: Nenos de 12 meses ata 3 anos.

O último venres de cada mes visitan a Biblioteca Neira Vilas algúns dos contadores de máis renome do panorama galego, para deleitar aos nosos usuarios cos seus contos, rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todos aqueles que teñan o pracer de escoitalas. Nesta ocasión visítanos a actriz e escritora Paula Carballeira.

Venres, 30 de novembro ás 19.30 h

Destinatarios: Público adulto.