MOSTRA BIBLIOGRÁFICA: A biblioteca sae do armario
Para festexar o Día Internacional do Orgullo LGBTIQ que se celebra o 28 de xuño, a biblioteca realiza unha mostra bibliográfica durante todo este mes para unirse pola tolerancia e a igualdade.
Do 1 ao 30 de xuño
Horario de apertura da biblioteca
Para: Público xeral, todas aquelas persoas que se acheguen á biblioteca. |
|
|
Volver ao inicio
RECOMENDACIÓN DO MES: Álvaro Pombo Mostra bibliográfica
Mostra bibliográfica
Este mes queremos recomendarvos a obra de Álvaro Pombo. Un dos mestres indiscutibles da literatura española contemporánea, con títulos tan destacados como El héroe de las mansardas de Mansard o El metro de platino iridiado.
Á súa faceta de novelista hai que engadir a súa achega como escritor de relatos, que recolle o volume Relatos sobre a falta de substancia e outros relatos, prologado por Mario Crespo. Tamén é autor de artigos, reunidos en Alrededores. Poeta destacado, obtivo en 1997 o Premio El Bardo e recompilou en Protocolos (1973-2003) os seus catro libros de posía ata a data.
Do 1 ao 30 de xuño
Horario de apertura da biblioteca
Para: Público xeral, todas aquelas persoas que se acheguen á biblioteca. |
|
|
Volver ao inicio
ECOBIBLIOTECA: Adopta unha semente
Axenda 2030
Para festexar o Día Mundial do Medio Ambiente, durante a semana do 5 de xuño a biblioteca entregará ao público usuario e entidades que así o desexen unhas sementes xunto cunha carta de “adopción”. Ao longo do ano a biblioteca fará un seguemento das plantas e do seu crecemento.
Con esta actividade a biblioteca únese as accións para promover a implantación da Axenda 2030 de Desenvolvemento Sostible da ONU.
Do 3 ao 8 de xuño
Horario de apertura da biblioteca
Para: Público xeral e entidades.
#DA21 #Lib4Dev #GlobalGoals |
|
|
Volver ao inicio
CLUB DE LECTURA: De outubro a xuño
O club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.
Xoves, 6 e 20 de xuño ás 19.00 h
Para: Público socio do club. |
|
|
Volver ao inicio
A HORA DOS CONTOS: Vero Rilo
A hora dos contos é un proxecto de animación á lectura no que nos visitan diferentes artistas coas súas maletas cargadas de historias, co fin de fomentar entre o público máis pequeno o gusto polos libros e a lectura.
Venres, 7 de xuño ás 18.00h
Para: público infantil dende 3 anos.
Aforo limitado |
|
Volver ao inicio
ACHÉGATE Á INTERNET
ABERTO O PRAZO DE INSCRICIÓN
Preséntase unha nova edición deste proxecto de alfabetización dixital, no nivel de “Iniciación I”, pensado para aquelas persoas sen coñecementos básicos no manexo do ordenador, O curso encádrase dentro das accións de formación, unha das liñas estratéxicas de traballo da biblioteca pública. A súa finalidade é formar a usuarios autónomos na busca/asimilación de información e no manexo das novas tecnoloxías, requisito indispensable hoxe en día para acceder ás novas formas de información, formación e lecer.
Martes 11 e xoves 13 de xuño
de 10.00 a 12.00 h
Para: Público maior de 16 anos sen coñecementos básicos de Internet. |
|
|
Volver ao inicio
CANTACONTOS Pablo Díaz
PREVIA INSCRICIÓN* 1 DE XUÑO ÁS 10.30H ABRE O PRAZO DE INSCRICIÓN
Pablo Díaz fará unha viaxe a través dos contos coa música como fío condutor, tratando temas e rutinas adaptadas para os máis pequen@s. Para conseguilo, axudarase de instrumentos como frautas, guitarra, harmónica, e algún dos seus temas máis populares. Unha sesión relaxada onde a fantasía e a ilusión sexan as protagonistas, e na que grandes e miúdos axuden a cantar e a entonar as melodías e retrousos.
Actividade realizada en colaboración co Servizo de Normalización Lingüística do Concello e Vigo.
Mércores, 12 de xuño ás 18.00h
Para: público infantil ata 3 anos.
Aforo limitado |
|
Volver ao inicio
ENTRE ARROLOS E CONTIÑOS
PREVIA INSCRICIÓN* 1 DE XUÑO ÁS 10.30 H ABRE O PRAZO DE INSCRICIÓN
Un venres ao mes grazas a Migallas Teatro os bebés comparten coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.
Venres, 14 de xuño ás 18.00h
Para: Público infantil de 12 meses a 3 anos. |
|
Volver ao inicio
FESTA DE PIXAMAS DE PELUCHES
Convidamos ao público infantil a que deixen os seus peluches na biblioteca, para que estes celebren unha festa de pixamas durante a fin de semana. Os xoguetes gozarán da lectura, de camiñar pola biblioteca e de durmir nun espazo diferente fóra do seu fogar. O luns seguinte poderán vir a recollelo e descubrirán o ben que o pasaron.
Venres, 14 de xuño
Para: Público infantil. |
|
Volver ao inicio
PRENDE NO COLO: Luis Prego
PREVIA INSCRICIÓN* 1 DE XUÑO ÁS 10.30 H ABRE O PRAZO DE INSCRICIÓN
O Servizo de Normalización Lingüística do Concello de Vigo en colaboración coa Biblioteca Neira Vilas organiza este obradoiro, realizado por Luis Prego, onde se traballará coas cantigas, cantos de berce, xogos de dedos, recitados e outras pezas cheas ritmo e melodía a partir de temas tradicionais galegos, de forma que despois as familias poidan cantar e xogar na casa.
Mércores, 19 de xuño ás 18.00h
Para: Público infantil ata 3 anos.
|
|
Volver ao inicio
FEIRA DO LIBRO
Unímonos a este proxecto literario onde se atopan as diferentes personalidades do sector das letras, as novidades editoriais, actividades, etc. estando presentes cunha caseta na que amosaremos os servizos e as actividades que ofrecemos á cidadanía.
Do 27 de xuño ao 6 de xullo
Horario de apertura da feira:
de 11.00 a 14.00 e de 17.30 a 22.00 h
Para: Todos os públicos. |
|
Volver ao inicio
Volver ao inicio Si non visualizas ben o boletín fai clic aquí
Baixa do boletín |
Séguenos
Web:bibliotecaneiravilas.vigo.org
Horario:
Mañás: de martes a sábado de 10.30 a 14.00h
Tardes: de luns a venres de 17.00 a 20.30h
Do 15 de xuño ao 15 de setembro
Apertura de tarde ás 18.00h
eFilm Vigo
Acceso en streaming a un amplo catálogo de cinema, documentais, concertos ou curtametraxes, entre outros.
Poderá consultar o catálogo completo de eFilmVigo no enderezo:
https://vigo.efilm.online/es/vigo/
Inscrición:
A xente interesada en participar nas actividades que precisen “previa inscrición” poden formalizar a súa inscrición a partir das 10.30 horas do día que comeza o prazo (se cadra en domingo ou festivo o prazo comezará o día seguinte laboral, sempre en horario de biblioteca. Lembrade que o luns non abrimos pola mañá). A inscrición pode facerse de forma presencial na biblioteca, mandando un correo electrónico a bpneiravilas@vigo.org indicando os seus datos (nome e apelidos, idade, teléfono e correo electrónico) ou ben a través do teléfono 986 267 759. As actividades son gratuítas e as prazas cóbrense por orde de inscrición.
Máis información das actividades en: a web, blog, facebook, twitter da biblioteca e no próximo newsletter.
Normas de inscrición
Normas de comportamento
Aforo
Nas actividades sen inscrición, a entrada é libre ata completar aforo.
Toma de imaxes
No transcurso das actividades o persoal da biblioteca realizará fotografías, para a súa divulgación e difusión.
Se non desexas participar na reportaxe, comunícao ao comezo da actividade.
|