En 2005 o psicólogo Cliff Arnall publicou a dubidosa teoría de que o terceiro luns de xaneiro, o Blue Monday, é o día máis deprimente do ano, co mal tempo, a costa de xaneiro ou os novos propósitos incumpridos como causas máis importantes.
Sexa certo ou non, na biblioteca axusdámosvos a combater a tristeza cunha chea de divertidas lecturas que vos arrincarán un sorriso e algunha que outra gargallada.
Para público xeral, todas aquelas persoas que se acheguen á biblioteca.

Do 1 ao 31 de xaneiro

Horario de apertura da biblioteca

Para: Público xeral, todas aquelas persoas que se acheguen á biblioteca.

Mostra bibliográfica

Nun mes no que o protagonista da nosa mostra bibliográfica é o humor non podíamos deixar de recomendarvos a obra do gran Antonio Fraguas, Forges, un dos humoristas gráficos máis importantes do noso país.

Cunha galería de personaxes inesquecibles (os blasillos, os náufragos, os oficinistas...) e un estilo inconfundible logrou plasmar nas súas tiras cheas de humor e crítica social a idiosincrasia da sociedade actual.

Do 1 ao 31 de xaneiro

Horario de apertura da biblioteca

Para: Público xeral, todas aquelas persoas que se acheguen á biblioteca.

O club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.

Xoves, 10 e 24 de xaneiro ás 19.00 h

Para: Público socio do club.

Para celebrar o Día do Usuario, premiamos cun lote de libros aos usuarios máis activos de cada categoría (adulto e infantil) para comezar o 2019 gozando das mellores lecturas.

Ademais, pola tarde teremos a ocasión de deleitarnos co Kamishibai de Juste, nunha nova sesión da Hora dos contos

Venres, 11 de xaneiro

Aproveitando que é o Día do Usuario celebramos unha nova sesión da Hora dos contos, un proxecto de animación á lectura no que nos visitan diferentes artistas coas súas maletas cargadas de historias, co fin de fomentar entre o público máis pequeno o gusto polos libros e a lectura.

Venres, 11 de xaneiro ás 18.00h

Para: público infantil dende 3 anos.

Aforo limitado

Sinopse
Unha viaxe a través do imaxinario dun dos autores de tebeos galegos máis importantes do momento: David Rubín.
Premio Mestre Mateo ao mellor documental, entregado en 2011. Galardón á mellor dirección de documental No XVI Festival de Cine Internacional de Ourense (2011). Premio ao mellor documental no IX Festival de Curtmetrages de Manlleu (2011). Premiado como curta documental no I One Cloud Film Fest (2011) .

Dirección e guión: Marcos Nine.
Produción: Setemedia, Marcos Nine Búa e Alicia Veira.

Luns, 14 de xaneiro ás 19.00 h

Para: público adulto.

Sinopse
AMERICANO
O Pai de Emanuel Xavier abandonou á súa nai despois de saber que estaba embarazada. Con tres anos, Xavier foi vítima de abusos sexuais por parte dun familiar. Aos 16, a súa nai botouno de casa. Nas rúas de New York, gañaba a vida como prostituto e vendedor de droga nalgúns dos clubes do circuíto gay, como The Sound Factory ou Roxy NYC.
Tras abandonar a escena de clubes comenzou a traballar nunha libraría, onde descubríu a súa paixón pola poesía, que acabaría cambiando a súa vida. Xavier asegura que a poesía é a “saída para liberarse da dor e a ira”

AYSHA
A Primavera árabe devolveu ás rúas a unha xeración que se sentía allea á realidade xordana. Pouco quedou de aqueles días onde o descontento se facía visible en Amman. Aysha recita ideas de cambio en poemas que atacan á indiferenza. As súas palabras en inglés esquivan unha censura máis interesada nos versos en árabe.
Meses atrás, Aysha renunciou ao seu traballo para emprender un proxecto creativo, loitando contra as barreiras e resistencias dun mundo masculinizado.

Luns, 21 de xaneiro ás 19.00 h

Para: público adulto.

Sinopse
Contra a morte é un documental ao redor da figura do poeta Lois Pereiro (Monforte de Lemos, 1958 – A Coruña, 1996), un documental de testemuño que percorre os lugares e convive coas persoas da súa vida, debuxando un arco xeracional para achegarse á persoa e o seu tempo. Lois Pereiro é a presenza constante dun símbolo, un poeta que apostou pola independencia da súa voz fronte á poesía canónica e profesoral, un home que viviu a vida intensamente. Monforte, Madrid, Berlín, A Coruña e O Incio son os lugares polos que os autores transitan perseguindo unha presenza, as voces que narran o paso de Lois Pereiro entre os vivos. Homenaxeado no Día dás Letras Galegas de 2011, son moitos os ángulos escuros na biografía dun poeta que encarna a modernidade na poesía galega, o risco, o punk e o underground.

Dirección: Alexandre Cancelo , Iago Martínez

Luns, 28 de xaneiro ás 19.00 h

Para: público adulto.

PREVIA INSCRICIÓN* 2 DE XANEIRO ÁS 10.30H ABRE O PRAZO DE INSCRICIÓN

Cada mes grazas a Migallas Teatro os bebés comparten coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.

Venres, 18 de xaneiro ás 18.00h

Para: Público infantil de 12 meses a 3 anos.

Contos Dakí é un ciclo no que nos visitan algúns dos contadores e contadoras de máis renome do panorama galego e internacional para deleitarnos cos seus contos rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todos aqueles que teñan o pracer de escoitalas. Nesta ocasión visítanos o contador murciano Matías Tárraga.

Venres, 25 de xaneiro ás 19.30 h

Para: Público adulto.

Aforo limitado