Aproveitando que este mes se celebra o IV Día de las Escritoras baixo o lema “Mujeres, amor y libertad”, sumámonos á Biblioteca Nacional no seu obxectivo de “difundir o legado cultural das escritoras do ámbito hispánico e hispanoamericano e lembrar as dificultades que, no pasado, impediron tanto o desenvolvemento da súa obra como o xusto recoñecemento ao seu labor cultural".

Nomeamos ás escritoras homenaxeadas para dar visivilidade a esta edición: Feliciana Enríquez De Guzmán, Ana Caro de Mallén, Sor Juana Inés de la Cruz, Isabel María Morón, Concepción Arenal, Emilia Pardo Bazán, Carmen de Burgos, Tene Mujika, Anna Murià, Alfonsina Storni, Dulce María de Loynaz, Ernestina de Champourcín, Maruxa Orxales, Carmen Laforet, Esther Tusquets, Alejandra Pizarnik, Montserrat Roig, Dulce Chacón e Teresa de Jesús.

Lembrade que podedes consultar todas as obras en sala ou levalas para casa en préstamo.

Do 1 ao 31 de outubro

Horario de apertura da biblioteca

Para: Todos os públicos.

Mostra bibliográfica

Nesta ocasión queremos recomendar a obra de Carmen Martín Gaite, unha das figuras máis importantes dentro das letras hispánicas. Entre visillos, Retahílas, El cuarto de atrás son algunhas das súas obras máis importantes. Foi galardoada co Premio Nadal, o Nacional de Literatura, o Nacional de las Letras, e o Premio Anagrama de Ensayo.

Lembrade que podedes consultar todas as obras en sala ou levalas para casa en préstamo.

Do 1 ao 31 de outubro

Horario de apertura da biblioteca

Para: Público xeral, todas aquelas persoas que se acheguen á biblioteca.

O club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.

Xoves, 10 e 31 de outubro ás 19.00 h

Para: Público socio do club.

A hora dos contos é un proxecto de animación á lectura no que nos visitan diferentes artistas coas súas maletas cargadas de historias, co fin de fomentar entre o público máis pequeno o gusto polos libros e a lectura.

Venres, 4 de outubro ás 18.00 h

Para: público infantil dende 3 anos.

Aforo limitado

O 14 de outubro é a data que a Biblioteca Nacional propón para celebrar o “Día de las escritoras”, así que ao longo desta xornada toda aquela persoa que leve en préstamo libros escritos por unha muller será obsequiado cunhas flores que levarán unha etiqueta co lema deste ano, “Mujeres, amor y libertad”, e unha cita dalgunha autora. Haberá así mesmo un "Photocall" para que quen o desexe se faga fotos conmemorando este día e as difunda nas súas redes sociais.

Paralelamente a esta celebración, todo o mes de outubro contaremos coa mostra bibliográfica na que presentamos diferentes libros de destacadas escritoras, que estarán dispoñibles tanto para consulta como préstamo.

Luns, 14 de outubro

Hora: 17.00 a 20.30h

Para: Todos os públicos.

Grazas a Migallas Teatro os bebés comparten coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.

Xoves, 17 de outubro ás 18.00h

Para: Público infantil de 12 meses a 3 anos.

Aforo limitado

Para festexar o Día da Biblioteca realizaremos un consultorio na biblioteca, onde o persoal da biblioteca pasará consulta literaria.
Trataremos ao público usuario as súas doenzas literarias e intentaremos atopar unha solución aos seus problemas coa lectura. Receitando novos títulos e explicando como levar unha vida lectora saudable.

Dende o xoves 24 ata o 31 de outubro

De 11.00 a 13.00 h

Para: Todos os públicos.

Horario de apertura da biblioteca

Contos Dakí é un ciclo no que nos visitan algúns dos contadores e contadoras de máis renome do panorama galego e internacional para deleitarnos cos seus contos rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todas aquelas persoas que teñan o pracer de escoitalas. Nesta ocasión visítanos o contador Caxoto.

Venres, 25 de outubro ás 19.30 h

Para: Público adulto.

Aforo limitado