Unha mostra bibliográfica onde estarán presentes as obras de Antón Fraguas, así coma outras obras significativas da literatura galega.

Do 1 ao 31 de maio

Horario de apertura da biblioteca

Para: Público xeral, todas aquelas persoas que se acheguen á biblioteca.

Mostra bibliográfica

Ao longo do mes de maio poderedes achegarvos á figura de Antón Fraguas, homenaxeado no Día das Letras Galegas neste 2019, a través dunha mostra bibliográfica na que atoparedes unha escolma da bibliografía máis destacada do autor así como as súas obras máis importantes.

Do 1 ao 31 de maio

Horario de apertura da biblioteca

Para: Público xeral, todas aquelas persoas que se acheguen á biblioteca.

Mostra bibliográfica

O 4 de maio celébrase o Día da Guerra das Galaxias, día escollido no calendario polos seguidores desta saga de ciencia fición debido a que en inglés a data (May the 4th Be With You )soa moi parecido ao lema dos Jedis («May the Force be with you»).

Así que o noso espírito friki non pode deixar escapar esta oportunidade de festexar esta data con todos vós facendo unha mostra do material relacionado coa saga de Star Wars.

Que a forza te acompañe!

Do 1 ao 6 de maio

Horario de apertura da biblioteca

Para: Público xeral, todas aquelas persoas que se acheguen á biblioteca.

O club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.

Xoves, 9 e 23 de maio ás 19.00 h

Para: Público socio do club.

A hora dos contos é un proxecto de animación á lectura no que nos visitan diferentes artistas coas súas maletas cargadas de historias, co fin de fomentar entre o público máis pequeno o gusto polos libros e a lectura.

Venres, 3 de maio ás 18.00h

Para: público infantil dende 3 anos.

Aforo limitado

PREVIA INSCRICIÓN* 2 DE MAIO ÁS 17.00H ABRE O PRAZO DE INSCRICIÓN

Un venres ao mes grazas a Migallas Teatro os bebés comparten coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.

Venres, 10 de maio ás 18.00h

Para: Público infantil de 12 meses a 3 anos.

Trátase de lecturas públicas de textos que teñen como fío condutor o “Día das letras Galegas”, onde nos achegaremos á obra do homenaxeado deste ano, Antón Fraguas, e tamén a outros autores e autoras das nosas letras. As sesiós está conducida polo voluntariado, pero están abertas a todas aquelas persoas que desexen compartir co resto do público as súas lecturas.

Xoves, 16 de maio ás 19.00h

Para: público xeral.

Aforo limitado

Contos Dakí é un ciclo no que nos visitan algúns dos contadores e contadoras de máis renome do panorama galego e internacional para deleitarnos cos seus contos rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todas aquelas persoas que teñan o pracer de escoitalas. Nesta ocasión visítanos a contadora María da Pontragha.

Venres, 25 de maio ás 19.30 h

Para: Público adulto.

Aforo limitado