Aproveitando que este mes se celebra o III Día de las Escritoras baixo o lema “Rebeldes e transgresoras”, sumámonos á Biblioteca Nacional no seu obxectivo de “difundir o legado cultural das escritoras do ámbito hispánico e hispanoamericano e lembrar as dificultades que, no pasado, impediron tanto o desenvolvemento da súa obra como o xusto recoñecemento ao seu labor cultural".

Nomeamos ás escritoras homenaxeadas para dar visivilidade a esta edición: María de Zayas, Juana Manso, Rosalía de Castro, Rosario de Acuña, Filomena Dato Muruais, Carmen de Burgos, Delmira Agustini, Victoria Ocampo, Aurora Bertrana, Magda Donato, Sorne Unzueta Lanzeta, Ángela Figuera Aymerich, María Zambrano, Idea Vilariño, Ana María Matute, Carmen Martín Gaite, Josefina Aldecoa, Alejandra Pizarnik, Esther Tusquets, María-Mercé Marcal e Teresa de Jesús.

Lembrade que podedes consultar todas as obras en sala ou levalas para casa en préstamo.

Do 1 ao 31 de outubro

Horario de apertura da biblioteca

Para: Público xeral, todas aquelas persoas que se acheguen á biblioteca.

Mostra bibliográfica

Nesta ocasión queremos reinvidicar o legado cultural dunha das rebeldes e transgresoras, considerada unha das mellores novelistas da posguerra española. É Doutora honoris causa pola Universidade de León e membro honorario da Hispanic Society of America e da American Association of Teachers of Spanish and Portuguese. Destacamos algúns dos premios recibidos ao longo da súa traxectoria; Premio Nacional de Literatura, por Los hijos muertos (1959), Premio Nacional de Literatura Infantil e xuvenil, por Solo un pie descalzo (1984), Premio Nacional de las Letras Españolas (2007), Premio Cervantes (2010)

En 1996 foi elixida académica, ocupando o asento K, da Real Academía Española, sendo a terceira muller en formar parte da institución en 300 anos.

Lembrade que podedes consultar todas as obras en sala ou levalas para casa en préstamo.

Do 1 ao 31 de outubro

Horario de apertura da biblioteca

Para: Público xeral, todas aquelas persoas que se acheguen á biblioteca.

Co gallo de festexar a celebración do Samaín faise unha mostra de libros e material audiovisual relacionados cos monstros, vampiros, fantasmas e todos os seres fantásticos que dan medo.

Estas obras están a disposición das persoas usuarias da biblioteca en consulta en sala e dispoñibles así mesmo para o servizo de préstamo.

Do 24 de outubro ao 5 de novembro

Horario de apertura da biblioteca

Para: Público xeral, todas aquelas persoas que se acheguen á biblioteca.

O club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.

Xoves, 4 e 11 de outubro ás 19.00 h

Para: Público socio do club.

A hora dos contos é un proxecto de animación á lectura no que nos visitan diferentes artistas coas súas maletas cargadas de historias, co fin de fomentar entre o público máis pequeno o gusto polos libros e a lectura.

Venres, 5 de outubro ás 18.00h

Para: público infantil dende 3 anos.

Aforo limitado

O 15 de outubro é a data que a Biblioteca Nacional propón para celebrar o “Día de las escritoras”, así que ao longo desta xornada toda aquela persoa que leve en préstamo libros escritos por unha muller será obsequiado cunhas flores que levarán unha etiqueta co lema deste ano, “rebeldes e transgresoras”, e unha cita dalgunha autora. Haberá así mesmo un "Photocall" para que quen o desexe se faga fotos conmemorando este día e as difunda nas súas redes sociais.

Paralelamente a esta celebración, todo o mes de outubro contaremos coa mostra bibliográfica na que presentamos diferentes libros de destacadas escritoras, que estarán dispoñibles tanto para consulta como préstamo.

Luns, 15 de outubro de 2018

Hora: 17.00 a 20.30h

Para: público xeral.

PREVIA INSCRICIÓN* 1 DE OUTUBRO ÁS 17.00 H ABRE O PRAZO DE INSCRICIÓN

Un venres ao mes grazas a Migallas Teatro os bebés comparten coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.

Venres, 19 de outubro ás 18.00h

Para: Público infantil de 12 meses a 3 anos.

SEICA... é unha colección de historias curiosas e sorprendentes, compiladas por Antía Marante e Antonio M. Fraga, que lembran feitos reais acontecidos en Galiza. É un xogo que fomenta a imaxinación ao tempo que escribe asombrosas notas a rodapé na nosa historia.

Mércores, 24 de outubro ás 11.00 h

Para: Público Adulto, entidades interesadas.

Contos Dakí é un ciclo no que nos visitan algúns dos contadores e contadoras de máis renome do panorama galego e internacional para deleitarnos cos seus contos rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todas aquelas persoas que teñan o pracer de escoitalas. Nesta ocasión visítanos o actor e contador Avelino González.

Venres, 26 de outubro ás 19.30 h

Para: Público adulto.

Aforo limitado