A biblioteca expón durante este mes unha escolma da bibliografía máis destacada do fondo sobre o mundo das setas, onde atopalas, cales son comestibles e tamén todo tipo de receitas para degustalas.

Estas obras están a disposición das persoas usuarias da biblioteca en consulta en sala e dispoñibles así mesmo para o servizo de préstamo.

Do 1 ao 31 de outubro

Horario de apertura da biblioteca

Para: Público xeral, todas aquelas persoas que se acheguen á biblioteca.

Mostra bibliográfica

O historietista David Rubín destaca como guionista e debuxante da banda deseñada. Nos seus comezos foi galardonado na primeira edición do Premio Castelao de Cómic marcando xa unha traxectoria profesional que o levou a estar nominado ao Premio Nacional de Cómic.

Estas obras están a disposición das persoas usuarias da biblioteca en consulta en sala e dispoñibles así mesmo para o servizo de préstamo.

Do 1 ao 31 de outubro

Horario de apertura da biblioteca

Para: Público xeral, todas aquelas persoas que se acheguen á biblioteca.

Mostra de cadros onde alumnado do CEIP Chans de Bembrive fai un percorrido comentando e analizando diversas obras de arte ao longo da historia.

Do 1 ao 31 de outubro

Horario de apertura da biblioteca

Para: Público xeral, todas aquelas persoas que se acheguen á biblioteca.

Co gallo de festexar a celebración do Samaín faise unha mostra de libros e material audiovisual relacionados cos monstros, vampiros, fantasmas e todos os seres fantásticos que dan medo.

Estas obras están a disposición das persoas usuarias da biblioteca en consulta en sala e dispoñibles así mesmo para o servizo de préstamo.

Do 24 de outubro ao 5 de novembro

Horario de apertura da biblioteca

Para: Público xeral, todas aquelas persoas que se acheguen á biblioteca.

Conferencia impartida por Vicente Funes, responsable da Biblioteca Regional de Murcia, que se centrará na evolución da banda deseñada dende as súas orixes ata o momento de recoñecemento que ten actualmente como lectura adulta.

Luns, 2 de outubro ás 19.30 h

Para: Público adulto.

Aforo limitado

O club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.

Xoves, 5 de outubro ás 19.00 h

Para: Público socio do club.

A hora dos contos é un proxecto de animación á lectura no que nos visitan diferentes artistas coas súas maletas cargadas de historias, co fin de fomentar entre o público máis pequeno o gusto polos libros e a lectura.

Venres, 6 de outubro ás 18.00h

Para: público infantil dende 3 anos.

Aforo limitado

PREVIA INSCRICIÓN* 2 DE OUTUBRO ÁS 17.00 H ABRE O PRAZO DE INSCRICIÓN

Un venres ao mes grazas a Bea e a Paulo os bebés comparten coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.

Venres, 20 de outubro ás 18.00h

Para: Público infantil de 12 meses a 3 anos.

PREVIA INSCRICIÓN* 3 DE OUTUBRO ÁS 10.30 H ABRE O PRAZO DE INSCRICIÓN

Para festexar o Día da Biblioteca o ilustrador Óscar Villán visita a biblioteca para realizar un obradoiro sobre o proceso de ilustración dun libro, tomando como referencia de entrada o traballo do propio autor e logo o de outros/as artistas con estilos e puntos de vista diverxentes, coa intención de mostrar o amplo abano de posibilidades que ofrece o mundo do debuxo.

Martes, 24 de outubro ás 18.00 h

Para: público infantil dende 8 anos.

PREVIA INSCRICIÓN* 10 DE OUTUBRO ÁS 10.30 H ABRE O PRAZO DE INSCRICIÓN

O SNL do Concello de Vigo en colaboración coa Biblioteca Neira Vilas organiza este obradoiro, realizado por Luis Prego, onde se traballará con cantigas, cantos de berce, xogos de dedos, recitados e outras pezas cheas ritmo e melodía a partir de temas tradicionais galegos, de forma que despois as familias poidan cantar e xogar na casa.

Xoves, 26 de outubro ás 18.00 h

Para: público infantil ata 3 anos.

Contos Dakí é un ciclo no que nos visitan algúns dos contadores e contadoras de máis renome do panorama galego e internacional para deleitarnos cos seus contos rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes ao público que teñan o pracer de escoitalas. Nesta ocasión visítanos o contador Yoshi Hioki

Venres, 27 de outubro ás 19.30 h

Para: Público adulto.

Aforo limitado