A biblioteca expón durante este mes unha escolma da bibliografía máis destacada do fondo sobre os cinco sentidos. O gusto, o tacto, o olfacto, o oído e a vista son os protagonistas desta mostra que nos amosarán como viaxar polos libros.
Estas obras están a disposición das persoas usuarias da biblioteca en consulta en sala e dispoñibles así mesmo para o servizo de préstamo.

Do 01 ao 31 de outubro

Horario de apertura da biblioteca

Para: Público xeral, todas aquelas persoas que se acheguen á biblioteca.

Mostra bibliográfica

Neste mes de outubro celébrase o 150º aniversario do nacemento deste gran autor, poeta e dramaturgo. A biblioteca Neira Vilas súmase aos festexos realizando unha mostra bibliográfica da súa obra.

Estas obras están a disposición das persoas usuarias da biblioteca en consulta en sala e dispoñibles así mesmo para o servizo de préstamo.

Do 01 ao 31 de outubro

Horario de apertura da biblioteca

Para: Público xeral, todas aquelas persoas que se acheguen á biblioteca.

O club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.

Xoves 06 e 20 de outubro ás 19.00 h

Para: Público socio do club.

A hora dos contos é un proxecto de animación á lectura onde presentamos diferentes contos e unha serie de actividades ao redor dunha temática concreta, todo encamiñado a fomentar entre o público máis pequeno o gusto polos libros e a lectura.

Venres, 14 de outubro ás 18.00 h

Para: público infantil dende 3 anos.

Aforo limitado

PREVIA INSCRICIÓN* 01 DE OUTUBRO ÁS 10.30 H ABRE O PRAZO DE INSCRICIÓN

Un venres ao mes grazas a Bea e a Davide os bebés comparten coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.

Venres, 21 de outubro ás 18.00 h

Para: público infantil de 12 meses a 3 anos.

PREVIA INSCRICIÓN* 11 DE OUTUBRO ÁS 10.30 H ABRE O PRAZO DE INSCRICIÓN

Para festexar o Día da Biblioteca o ilustrador Marc Taeger, visita a biblioteca para realizar un obradoiro de collage partindo da súa obra Aquiles o Puntiño.

Luns, 24 de outubro ás 18.00 h

Para: público infantil dende 5 anos.

Contos Dakí é un ciclo no que nos visitan algúns dos contadores e contadoras de máis renome do panorama galego e internacional para deleitarnos cos seus contos rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todas aqueles persoas que teñan o pracer de escoitalas. Nesta ocasión visítanos o contador Felipe Caxoto.

Venres, 28 de outubro ás 19.30 h

Para: Público adulto.

Aforo limitado