MOSTRA BIBLIOGRÁFICA: Érase unha vez
Para festexar o día do Libro Infantil e Xuvenil expoñemos algúns dos títulos máis destacados da LIX (Literatura Infantil e Xuvenil), tanto de autores clásicos como obras contemporáneas... verdadeiras xoias coas que vos convidamos a gozar como pequenos!
Do 01 ao 16 de abril
Horario de apertura da biblioteca
Para: Público xeral, todas aquelas persoas que se acheguen á biblioteca. |
|
|
Volver ao inicio 
DÍA DO LIBRO INFANTIL E XUVENIL: Obradoiro con Ramón Trigo
ABERTO O PRAZO DE INSCRICIÓN
Seguimos a celebrar o Día do Libro Infantil e Xuvenil (2 de abril) cun obradoiro impartido polo autor e ilustrador Ramón Trigo.
Neste taller explicarámosvos cal é a labor dun ilustrador para logo realizar entre todos un mural colectivo empregando distintas técnicas..
Venres, 01 de abril de 18.00 a 20.00 h
Para: Público infantil dende 8 anos. |
|
Volver ao inicio
ACHÉGATE Á INTERNET: Introdución ao libro electrónico
ABERTO O PRAZO DE INSCRICIÓN
Sesión monográfica para facer unha primeira aproximación ao uso do lector de libro electrónico e coñecer as principais plataformas de préstamo de ebook: eBookvigo e GaliciaLe.
Martes, 05 de abril de 17.30 h a 19.30 h
Para: Público maior de 16 anos con coñecementos básicos de Internet. |
|
|
Volver ao inicio
CLUB DE LECTURA: De outubro a xuño
O club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.
Xoves 07 e 21 de abril ás 19.00 h
Para: Público socio do club. |
|
|
Volver ao inicio
A HORA DOS CONTOS
A hora dos contos é un proxecto de animación á lectura con contos e unha serie de actividades ao redor dunha temática concreta, co obxectivo de fomentar entre o público máis pequeno o gusto polos libros e a lectura.
Xoves, 14 de abril ás 18.00 h
Aforo limitado
Para: Público infantil de 3 a 10 anos. |
|
Volver ao inicio
ENTRE ARROLOS E CONTIÑOS
PREVIA INSCRICIÓN* 01 DE ABRIL ÁS 10.30 H ABRE O PRAZO DE INSCRICIÓN
Con Entre arrolos e contiños os bebés comparten coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.
Venres, 15 de abril ás 18.00 h
Para: Público infantil de 12 meses a 3 anos. |
 |
Volver ao inicio
MOSTRA BIBLIOGRÁFICA: 400 anos de Cervantes
Con motivo do IV Centenario da morte de Miguel de Cervantes, presentamos unha mostra coa que achegarvos a este xenio da literatura universal, pero tamén a todo tipo de obras que xiran ao redor da súa figura ou da súa creación máis célebre, Don Quixote.
Do 18 ao 30 de abril
Horario de apertura da biblioteca
Para: Público xeral, todas aquelas persoas que se acheguen á biblioteca. |
|
|
Volver ao inicio
DÍA DO LIBRO: Obradoiro de papel mármore
*PREVIA INSCRICIÓN 5 DE ABRIL ÁS 10.30H ABRE O PRAZO DE INSCRICIÓN
Achegámonos ao mundo do libro e a edición con este obradoiro no que aprender a elaborar papel mármore, técnica usada tradicionalmente en encadernación para decorar as follas das gardas e que consiste en reproducir debuxos sobre o papel facendo flotar as cores en suspensión nunha disolución acuosa.
Luns, 25 de abril de 18.00 a 20.00 h
Para: Público adulto. |
|
|
Volver ao inicio
DÍA DO LIBRO: Arañeira de linguas
Con motivo do Día do Libro o alumnado do Colexio Mariano presenta na biblioteca o proxecto de dinamización lectora “Arañeira de linguas”, no que a través de diferentes traballos, dende carteis a cuñas radiofónicas ou booktrailers, queren meternos no corpo o gusto pola lectura!
Martes, 26 de abril ás 18.30h
Para: Público adulto. |
|
|
Volver ao inicio
AS TARDES DO ROQUE
PREVIA INSCRICIÓN* 15 DE ABRIL ÁS 10.30 H ABRE O PRAZO DE INSCRICIÓN
O noso amigo Roque visita cada mes a biblioteca xunto con Andrea e Óscar para compartir as súas aventuras, contarnos fantásticas historias, ensinarnos divertidas cancións e propoñernos estupendos xogos.
Xoves, 28 de abril ás 18.00 h
Para: Público infantil de 3 a 10 anos. |
|
|
Volver ao inicio
CONTOS DAKÍ: María da Pontragha
Contos Dakí é un ciclo no que nos visitan algúns dos contadores e contadoras de máis renome do panorama galego e internacional para deleitarnos cos seus contos rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todas aquelas persoas que teñan o pracer de escoitalas. Nesta ocasión visítanos a contadora María da Pontragha.
Venres, 29 de abril ás 19.30 h
Aforo limitado
Para: Público adulto. |
|
|
Volver ao inicio
... E TAMÉN:
O 16 de abril abre o prazo de:
ACHÉGATE Á INTERNET: Trámites comúns en Facenda
PREVIA INSCRICIÓN* 16 DE ABRIL ÁS 10.30 H ABRE O PRAZO DE INSCRICIÓN
Sesión monográfica para aprender a realizar os trámites máis comúns na Axencia Tributaria, como solicitar por exemplo o borrador da Declaración da Renda.
Martes, 03 de maio ás 17.30 h
Para: Público maior de 16 anos con coñecementos básicos de Internet. |
|
|
Volver ao inicio
Inscrición:
*A xente interesada en participar nas actividades que precisen “previa inscrición” poden formalizar a súa inscrición a partir das 10.30 horas do día que comeza o prazo (se cadra en domingo ou festivo o prazo comezará o día seguinte laboral, sempre en horario de biblioteca. Lembrade que o luns non abrimos pola mañá). A inscrición pode facerse de forma presencial na biblioteca, mandando un correo electrónico a bpneiravilas@vigo.org indicando os seus datos (nome e apelidos, idade, teléfono e correo electrónico) ou ben a través do teléfono 986 267 759. As actividades son gratuítas e as prazas cóbrense por orde de inscrición.
Podedes consultar as normas de inscrición aquí e as normas das actividades aquí.
Normas de inscrición da actividade
Normas de comportamento na actividade
Volver ao inicio Si non visualizas ben o boletín fai clic aquí
Baixa do boletín |
Séguenos  
  
Web:bibliotecaneiravilas.vigo.org
Horario:
Mañás: de martes a sábado de 10.30 a 14.00h
Tardes: de luns a venres de 17.00 a 20.30h
Do 15 de xuño ao 15 de setembro
Apertura de tarde ás 18.00h
EbookVigo
Poderá consultar o catálogo completo de eBookVigo no enderezo:
www.ebookvigo.org
|
