MOSTRA BIBLIOGRÁFICA: Un verán de cine
Durante os meses de verán exponse na biblioteca unha escolma da bibliografía máis destacada do fondo que teña como temática o cine.
Estas obras están a disposición das persoas usuarias da biblioteca en consulta en sala e dispoñibles así mesmo para o servizo de préstamo.
A mostra complétase coa exposición Fotogramas por Segundo e coas Terrazas Literarias, nas que nos visitarán Antonio Durán “Morris” e Ignacio Vilar para falarnos da película A Esmorga, baseada na novela de Blanco Amor.
Do 1 de xullo ao 30 de setembro
Horario de apertura da biblioteca
Para: Público xeral, todas aquelas persoas que se acheguen á biblioteca. |
|
|
Volver ao inicio
CITA A CEGAS
A Biblioteca Neira Vilas ofrece a quen o desexe unha CITA A CEGAS co que pode chegar a ser o seu gran amor literario. As persoas usuarias terán á súa disposición unha serie de paquetes pechados que poderán levar a casa emprestados, sen saber o que están levando ata que ao abrilo desvelen o seu segredo, atopándose co que pode chegar a ser un gran descubrimento, unha decepción ou un gran amor.
Do 1 de xullo ao 30 de setembro
Para: Para todo o público socio da biblioteca. |
|
|
Volver ao inicio
TERRAZAS LITERARIAS: A Esmorga - Rosa Aneiros
O actor Antonio Duran “Morris” e o director de cine Ignacio Vilar estarán presentes este ano nas nosas Terrazas Literarias falando da película A Esmorga, baseada na novela de Blanco Amor. Tamén nos visitará a escritora Rosa Aneiros para contarnos todos os segredos das súas novelas. Así, aproveitando o bo tempo do verán sairemos á rúa para facer estes encontros, unhas reunións informais onde o público participante poderá falar e preguntar aos invitados sobre o que rodea ao mundo literario e cinematográfico (creación, edición...) nun ambiente lúdico amigable ao tempo que se goza do solpor.
Venres, 11 de setembro
A Esmorga . Antonio Durán “Morris” e Ignacio Vilar
Venres, 18 de setembro
Rosa Aneiros
Horario de 19.00 h
Para: Público adulto. |
|
Volver ao inicio
... E ADEMAIS:
En outubro comezan de novo as actividades permanentes: Entre arrolos e contiños, A hora dos contos, O club de lectura e Contos Dakí regresan un ano maís.
Lembrade as datas de inscrición:
CLUB DE LECTURA: De outubro a xuño
COMEZA O PRAZO DE INSCRICIÓN O 15 DE SETEMBRO ÁS 10.30 H
O club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.
Para: Participantes do club. |
|
|
Volver ao inicio
ENTRE ARROLOS E CONTIÑOS
PREVIA INSCRICIÓN* 01 DE OUTUBRO ÁS 10.30 H ABRE O PRAZO DE INSCRICIÓN
Un venres ao mes grazas a Bea e a David os bebés comparten coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.
Venres, 9 de outubro ás 18.00 h
Para: Público infantil de 12 meses a 3 anos. |
|
Volver ao inicio
AS TARDES DO ROQUE
PREVIA INSCRICIÓN* 15 DE OUTUBRO ÁS 10.30 H ABRE O PRAZO DE INSCRICIÓN
O Roque, un simpático personaxe veciño do Calvario visita a biblioteca xunto con Andrea e Óscar para compartir con nós fantásticas historias, divertidas cancións e estupendos xogos.
Xoves, 29 de outubro ás 18.00 h
Para: Público infantil de 3 a 10 anos. |
|
|
Volver ao inicio
Inscrición:
*A xente interesada en participar nas actividades que precisen “previa inscrición” poden formalizar a súa inscrición a partir das 10.30 horas do día que comeza o prazo (se cadra en domingo ou festivo o prazo comezará o día seguinte laboral, sempre en horario de biblioteca. Lembrade que o luns non abrimos pola mañá). A inscrición pode facerse de forma presencial na biblioteca, mandando un correo electrónico a bpneiravilas@vigo.org indicando os seus datos (nome e apelidos, idade, teléfono e correo electrónico) ou ben a través do teléfono 986 267 759. As actividades son gratuítas e as prazas cóbrense por orde de inscrición.
Estade atentos ao próximo newsletter e ao blog, facebook e twitter da biblioteca, onde poderedes atopar máis información das actividades.
Normas de inscrición da actividade
Normas de comportamento na actividade
Volver ao inicio Si non visualizas ben o boletín fai clic aquí
Baixa do boletín |