OBRADOIRO: Achégate á fotografía
PREVIA INSCRICIÓN* ABERTO O PRAZO DE INSCRICIÓN
Neste obradoiro achegamos dunha forma lúdica ao público infantil aos principios de formación de imaxes nas cámaras de fotografía.
O público asistente construirá a súa propia cámara estenopeica 3D e aprenderá a revelar negativos e o seu paso a positivos.
Martes, 31 de marzo e mércores, 1 de abril Horario: de 10.30 a 13.30 h
Para: Público infantil maiores de 8 anos.
Prazas: 15 |
|
|
Volver ao inicio
DÍA DO LIBRO INFANTIL E XUVENIL
PREVIA INSCRICIÓN* ABERTO O PRAZO DE INSCRICIÓN
Para festexar o Día do Libro Infantil e Xuvenil que se celebra o 2 de abril, a biblioteca realiza unha proposta familiar ao redor dos contos clásicos. Xogando por parellas (adulto+ menor) terán que ir superando probas para ir avanzando nun taboleiro ata chegar á meta. Haberá probas nas que teñan que empregar a mímica, outras nas que teñan que debuxar e outras nas que terán que responder ás preguntas realizadas.
Mércores, 1 de abril
Horario: 18.00 h
Para: Público familiar. |
|
|
Volver ao inicio
MOSTRA BIBLIOGRÁFICA: Postais de Viaxe
Durante o mes de abril exponse na biblioteca unha escolma da bibliografía máis destacada do fondo sobre o tratamento de diferentes cidades no cine e na literatura.
Estas obras están a disposición das persoas usuarias da biblioteca en consulta en sala e dispoñibles así mesmo para o servizo de préstamo.
Do 02 ao 31 de abril
Horario de apertura da biblioteca
Para: Para público xeral, todas aquelas persoas que se acheguen á biblioteca. |
|
|
Volver ao inicio
A HORA DOS CONTOS
A hora dos contos é un proxecto de animación á lectura onde presentamos diferentes contos e unha serie de actividades ao redor dunha temática concreta, todo encamiñado a fomentar entre o público máis pequeno o gusto polos libros e a lectura.
Xoves, 9 de abril ás 18.00 h
Para: Público infantil de 3 a 10 anos.
Aforo limitado |
|
|
Volver ao inicio
AS TARDES DO ROQUE
PREVIA INSCRICIÓN*
PRAZAS CUBERTAS
O Roque, un simpático personaxe veciño do Calvario visita a biblioteca xunto con Andrea e Óscar para compartir con nós fantásticas historias, divertidas cancións e estupendos xogos.
Venres, 10 de abril ás 18.00 h
Para: Público infantil de 3 a 10 anos. |
|
|
Volver ao inicio
CLUB DE LECTURA: De outubro a xuño
O club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.
Xoves, 16 de abril ás 19.30 h
Para: Participantes do club. |
|
|
Volver ao inicio
ENTRE ARROLOS E CONTIÑOS
PREVIA INSCRICIÓN* 1 DE ABRIL ÁS 10.30 H ABRE O PRAZO DE INSCRICIÓN
O terceiro venres de cada mes grazas a Bea e a David os bebés compartirán coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.
Venres, 17 de abril ás 18.00 h
Para: Público infantil de 12 meses a 3 anos. |
|
Volver ao inicio
DÍA DO LIBRO
Co gallo de festexar o Día do Libro propoñemos aos centros de ensino da cidade, ás asociacións e aos usuarios da biblioteca que realicen vídeos cos libros que máis lles gusten. Estes vídeos serán difundidos a través das redes sociais da biblioteca durante o mes de abril..
Xoves, 23 de abril
Horario de apertura da biblioteca
Para: Público xeral. |
|
|
Volver ao inicio
CONTOS DAKÍ: Avelino González
Contos Dakí é un ciclo no que nos visitan algúns dos contadores e contadoras de máis renome do panorama galego para deleitar ao público asistente cos seus contos, rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todos aqueles que teñan o pracer de escoitalas. Nesta ocasión visítanos o actor e narrador Avelino González.
Venres, 24 de abril ás 19.30 h
Para: Público adulto. |
|
|
Volver ao inicio
... E TAMÉN Lembrade que o
15 de abril abre o prazo de inscrición para:
AS TARDES DO ROQUE da sesión do 22 de maio
16 de abril abre o prazo de inscrición para:
ACHÉGATE Á INTERNET II
Nova edición deste proxecto de alfabetización dixital, no nivel de “Iniciación II”, pensado para aquelas persoas con coñecementos básicos no manexo do ordenador, O curso encádrase dentro das accións de formación, unha das liñas estratéxicas de traballo da biblioteca pública. A súa finalidade é formar a persoas autónomas na busca/asimilación de información e no manexo das novas tecnoloxías, requisito indispensable hoxe en día para acceder ás novas formas de información, formación, e lecer.
Do 5 ao 8 de maio de 10.00 a 12.00 h
|
|
|
Volver ao inicio
Inscrición:
*A xente interesada en participar nas actividades que precisen “previa inscrición” poden formalizar a súa inscrición a partir das 10.30 horas do día que comeza o prazo (se cadra en domingo ou festivo o prazo comezará o día seguinte laboral, sempre en horario de biblioteca. Lembrade que o luns non abrimos pola mañá). A inscrición pode facerse de forma presencial na biblioteca, mandando un correo electrónico a bpneiravilas@vigo.org indicando os seus datos (nome e apelidos, idade, teléfono e correo electrónico) ou ben a través do teléfono 986 267 759. As actividades son gratuítas e as prazas cóbrense por orde de inscrición.
Estade atentos ao próximo newsletter e ao blog, facebook e twitter da biblioteca, onde poderedes atopar máis información das actividades.
Normas de inscrición da actividade
Normas de comportamento na actividade
Volver ao inicio Si non visualizas ben o boletín fai clic aquí
Baixa do boletín |
Séguenos
Web:bibliotecaneiravilas.vigo.org
Horario:
Mañás: de martes a sábado de 10.30 a 14.00h
Tardes: de luns a venres de 17.00 a 20.30h
Do 15 de xuño ao 15 de setembro
Apertura de tarde ás 18.00h
EbookVigo
Poderá consultar o catálogo completo de eBookVigo no enderezo:
www.ebookvigo.org
|