“A hora dos contos” é un proxecto de animación á lectura onde presentamos diferentes contos e unha serie de actividades ao redor dunha temática concreta, todo encamiñado a fomentar entre o público máis pequeno o gusto polos libros e a lectura.

Xoves, 8 de maio ás 18.00 h

Para: Público infantil dende 3 ata 10 anos.

As participantes do Club de Lectura darán a coñecer a figura de Xosé María Díaz Castro a través dos seus textos, facendo lecturas dalgúns deles, teatralizando outros. Así mesmo achegarannos á súa persoa contando detalles da súa vida, do seu traballo e dos seus amigos.
Unha maneira divertida e amena de coñecer ao homenaxeado deste ano do Día das Letras Galegas.

Xoves, 15 de maio ás 19.30 h

Para: Público xeral, todas aquelas persoas que se acheguen á biblioteca.

Nestas sesións as persoas voluntarias e a xente que así o desexe lerán textos de forma pública para animar á lectura ao público asistente. Estas serán lecturas terán relación coa celebración do Día das Letras Galegas que se festexa neste mes.

Venres, 16 de maio ás 19.30 h

Para: Público xeral, todas aquelas persoas que se acheguen á biblioteca.

CAMBIO DE DATA
AFORO LIMITADO

A biblioteca Neira Vilas en colaboración coa Escola Oficial de Idiomas organiza estas sesións de contos bilingües (en inglés e galego) para fomentar a aprendizaxe dos idiomas entre o público infantil.
Un venres ao mes acompañarannos as nosas amigas Ana Sánchez e Mª José Estévez para ofrecernos unha sesión de contos divertida e dinámica ao tempo que aprendemos novas palabras e novas expresións noutro idioma.

Venres, 23 de maio ás 19.00 h

Para: Público infantil de 3 ata 10 anos.

PREVIA INSCRICIÓN*
2 DE MAIO ÁBRESE O PRAZO DE INSCRICIÓN

O terceiro sábado de cada mes grazas a Bea e a David os bebés compartirán coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.

Sábado, 24 de maio ás 12.00 h

Para: Para público infantil dende 12 meses ata 3 anos.

O club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.

1º e 3º xoves do mes
Xoves, 29 de maio ás 19.30 h

Para: Público socio do club.

Cada mes visitan a Biblioteca Neira Vilas algúns dos contadores e contadoras de máis renome do panorama galego, para deleitar ás persoas usuarias da biblioteca, cos seus contos, rescatados da tradición oral, pero tamén da cotianidade que nos rodea. Son historias cheas de humor e retranca que de seguro non deixarán indiferentes a aquelas persoas que teñan o pracer de escoitalas. Nesta ocasión visítanos por primeira vez Soledad Felloza.

Venres, 30 de maio ás 19.30 h

Para: Público adulto.