Nesta exposición poderemos ver diferentes portadas de distintas publicacións que neste século e medio se fixeron da obra, así como diferentes obxectos da cultura popular que reflicten a importancia de Rosalía nos nosos días.

Do 2 de abril ao 4 de maio

Horario de apertura da biblioteca

Destinatarios: Público xeral, todas aquelas persoas que se acheguen á biblioteca.

'Rosalía, unha meniña' é un espectáculo de poesía, historia, música e ficción poética, idóneo para conmemorar o 150º aniversario da publicación de Cantares Gallegos, de Rosalía de Castro, e o 50º aniversario do Día das Letras Galegas, que se celebrarán durante todo o ano 2013.
“É a historia dunha nena chamada Rosalía, nada no rural galego de comezos do século XIX, que soubo sentir, soubo escoitar e soubo cantar nunha lingua de pobres que daquela non se escribía”.

Martes, 2 de abril ás 18.00 h

Organiza o Servizo de Normalización Lingüística do Concello de Vigo

Destinatarios: Nenos maiores de 7 anos.

O club de lectura é un grupo de persoas afeccionadas á lectura que se reúne dúas veces ao mes (1º e 3º mércores) na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. Non é preciso ser un experto lector para participar, o club está concibido para todas aquelas persoas con inquedanzas culturais, ganas de ler e de intercambiar ideas e opinións con outros lectores.

Mércores 3 e 10 de abril ás 19.30 h

Destinatarios: Socios do club.

*Pechada a inscrición

CAMBIO DE DATA
PREVIA INSCRICIÓN*
1 DE ABRIL ÁBRESE O PRAZO DE INSCRICIÓN

Nesta sesión os máis pequenos xunto cos seus acompañantes gozarán dos contos e xogos que nos amosarán a vida e a obra dunha das escritoras máis importantes, Rosalía de Castro.

Sábado, 6 de abril ás 12.00 h

Destinatarios: Nenos de 12 meses ata 3 anos.

“A hora dos contos” é un proxecto de animación á lectura onde presentaremos diferentes contos e unha serie de actividades ao redor dunha temática concreta, todo encamiñado a fomentar entre os máis pequenos o gusto polos libros e a lectura. Esta vez Trini Puentes falará de Rosalía de Castro.

Xoves, 11 de abril ás 18.00 h

Destinatarios: Nenos de 3 ata 10 anos.

CAMBIO DE DATA

PREVIA INSCRICIÓN*
ÚLTIMAS PRAZAS

O Roque, un simpático personaxe veciño do Calvario visita a biblioteca xunto con Andrea e Óscar para compartir cos máis pequenos as súas aventuras: cada mes recibe carta do seu avó Agustín, que viaxa por toda Galicia e vainos descubrindo cousas de todos eses marabillosos lugares. Como non podía ser doutra forma, nesta ocasión visitará o pobo natal de Rosalía de Castro. Ademais, Roque, Andrea o Óscar compartirán con nós fantásticas historias, divertidas cancións e estupendos xogos.

Sábado, 20 de abril ás 12.00 h

Destinatarios: Nenos de 3 ata 10 anos.

PREVIA INSCRICIÓN*
1 DE ABRIL ÁBRESE O PRAZO DE INSCRICIÓN

Para conmemorar neste 2013 o Día do Libro, desenvolveremos un obradoiro de hip hop baseado na vida e a obra de Rosalía de Castro impartido por Serxio Regos “García”, do colectivo Hip Hop Dios Ke Te Crew, O obradoiro está dirixido a todos os usuarios maiores de 12 anos, onde maiores e pequenos poderán gozar facendo rimas e descubrindo e redescubrindo a nosa poetisa máis coñecida.

Martes, 23 de abril ás 18.30 h

Destinatarios: Maiores de 12 anos.

Ola ríos, ola fontes é unha achega a Rosalía de Castro dende a recreación dunha terra, a nosa, chea de poesía e música que pousa no corazón dos nenos imaxes onde a natureza e os animais da nosa terra teñen un lugar importante.

Xoves, 25 de abril ás 18.00 h

Organiza o Servizo de Normalización Lingüística do Concello de Vigo

Destinatarios: Nenos maiores de 3 anos.

Cada mes visitan a Biblioteca Neira Vilas algúns dos contadores de máis renome do panorama galego, para deleitar aos nosos usuarios cos seus contos, rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todos aqueles que teñan o pracer de escoitalas. Nesta ocasión visítanos Celso Fernández Sanmartín que tomará ao personaxe de Rosalía de Castro como fío conductor das súas historias.

Venres, 26 de abril ás 19.30 h

Destinatarios: Público adulto.