PREVIA INSCRICIÓN*
ABERTO O PRAZO DE INSCRICIÓN

O primeiro sábado de cada mes, o Roque, un simpático personaxe veciño do Calvario e ó que lle encanta viaxar, visita a biblioteca xunto con Andrea e Óscar para compartir cos máis pequenos as súas aventuras: cada mes viaxa a unha cidade ou pobo de Galicia e volve para falarnos de todos eses marabillosos lugares, contarnos fantásticas historias, ensinarnos divertidas cancións e propoñernos estupendos xogos.

Sábado, 6 de outubro ás 12.00 h

Destinatarios: Nenos de 3 ata 10 anos.

“A hora dos contos” é un proxecto de animación á lectura onde cada segundo xoves de mes presentaremos diferentes contos e unha serie de actividades ao redor dunha temática concreta, todo encamiñado a fomentar entre os máis pequenos o gusto polos libros e a lectura.

Xoves, 11 de outubro ás 18.00 h

Destinatarios: Nenos de 3 ata 10 anos.

PREVIA INSCRICIÓN*
1 DE OUTUBRO ÁBRESE O PRAZO DE INSCRICIÓN

O club de lectura é un grupo de persoas afeccionadas á lectura que se reunirá dúas veces ao mes (1º e 3º mércores) na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. Non é preciso ser un experto lector para participar, o club está concibido para todas aquelas persoas con inquedanzas culturais, ganas de ler e de intercambiar ideas e opinións con outros lectores.

1º e 3º mércores de mes ás 19.30h
Data de comezo : 17 de outubro

Destinatarios: Usuarios da biblioteca.

PREVIA INSCRICIÓN*
1 DE OUTUBRO ÁBRESE O PRAZO DE INSCRICIÓN

O terceiro sábado de cada mes os nenos compartirán con aqueles que os coidan un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.

Sábado, 20 de outubro ás 12.00 h

Destinatarios: Nenos de 12 meses ata 3 anos.

Co gallo da celebración o 24 de outubro do Día Internacional da Biblioteca, na BPM Xosé Neira Vilas unímonos ao festexo convidando a celebralo con nós a Francisco Castro, escritor, editor e presidente de GALIX , para falar da importancia das bibliotecas na nosa sociedade.

Mércores, 24 de outubro ás 12.00 h

Destinatarios: Actividade para centros de ensino.

Contos do medio

Nos Contos do medio os máis pequenos terán a ocasión de gozar de fermosos contos cos que se achegarán ademais ao patrimonio natural galego.

Mércores e xoves, 24 e 25 de outubro ás 18.00 h

Destinatarios:

Mércores 24 de outubro: nenos de 3 a 5 anos
Xoves 25 de outubro: nenos de 6 a 8 anos

O último venres de cada mes visitan a Biblioteca Neira Vilas algúns dos contadores de máis renome do panorama galego, para deleitar aos nosos usuarios cos seus contos, rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todos aqueles que teñan o pracer de escoitalas. Nesta ocasión visítanos Celso Sanmartín para rematar unha semana adicada á biblioteca.

Venres, 26 de outubro ás 19.30 h

Destinatarios: Público adulto.